Friday, October 2, 2009

සුන්දර විමානය ( දඬුමොණරය ගැන - 8 )

මීට කලින් මම ලියපු ලිපියෙන් අපි 'රුක්ම විමාන' ගැන කතා කලානේ. මේ ලිපියෙන් අපි කතා කරන්න යන්නේ 'සුන්දර විමාන' ගැනයි. එහෙනම් මුලින්ම අපි සුන්දර විමානයක රූපයක් අධ්‍යයනය කරලා ඉමු.

මේ යානයත් හැඩයෙන් රුක්ම විමානයකට ගොඩක් සමානයි කියලා බැලූ බැල්මටම ඔයාලට තේරෙන්න ඇති. බාහිර පෙනුම සමාන වුවත් සැකැස්ම අතින් නම් වෙනස්කම් දකින්න පුළුවන්. සුන්දර විමානයක පාදම හෙවත් 'පීත' ප්‍රදේශය කොටස් 8 කින් සමන්විත වෙනවා. ඒවා නම්;

  1. භූමි තැටිය හෙවත් පහලින්ම පිහිටි පීත කොටස
  2. ධූම කවුළුව
  3. වායු ඇන්ජින් පහ
  4. භූජ්‍ය නම් ලෝහ බටය
  5. සුළං පංකාව
  6. විදුලි උත්පාදක යන්ත්‍රය
  7. සිව්මුහුණු තාපකය
  8. බාහිර ආවරණය
මෙම සුන්දර විමාන වල පීත කොටස අනිවාර්යයෙන්ම රාජලෝහයෙන් සෑදිය යුතු අතර එය සතරැස් හෝ වෘත්තාකාර හැඩයක් විය යුතුව තිබුණා. පාදම වෘත්තාකාර වන්නේ නම් සාමාන්‍යයෙන් එහි පරිධිය අඩි 100ක් විතර වන ලෙස තමයි නිර්මාණය කර තිබෙන්නේ. මෙහි ගනකම නම් අඩි 8 ක් විතර වෙලා තියෙනවා.
මේ විමානය මධ්‍යයෙන් ඉහලට එසවුණු ප්‍රධාන කුඹගසක් පිහිටා තිබෙන බව රූප සටහනේ දැක්වෙනවා. මෙය හැඳින්වෙන්නේ 'නාලස්ථම්භ' නමින්. මෙය අඩි 56 ක් උසින් යුක්ත වන අතර විෂ්කම්භය අඩි 4 ක් විතර වෙනවා. යානය තුල විවිධ කටයුතු සඳහා අවශ්‍ය වන වායු වර්ග ගබඩා කර තබා ඇත්තේත් මේ කුඹගස පතුලේ පිහිටා ඇති ටැංකියකයි.

'වෛමානික ශාස්ත්‍ර' පොතේ සඳහන් වෙන්නේ මේ යානය ගුවන්ගත කරවීමට ඉන්ධනයක් ලෙස ජලය ද යොදාගත් බවයි. මෙහිදී අධික ලෙස රත් කළ ජල වාෂ්ප යොදාගෙන ඇති අතර ඊට අමතරව විද්‍යුත් කෝෂ මගින් විදුලි බලයද ලබාගෙන තියෙනවා. මේ විද්‍යුත් කෝෂ සවි කර ඇත්තේ යානයේ වම්පසට වන්නටයි.
යානය උඩට එසවීමේ කාර්යය සිදු කර තිබෙන්නේ 'වාතප්‍රසාරණ යන්ත්‍ර' නමැති යන්ත්‍රයක් මගින්. මෙම යන්ත්‍රය සෑදීමටත් විශේෂ ලෝහයක් පාවිච්චි කරලා තියෙනවා. ඒ ලෝහය 'වාතමිත්‍ර' කියලා තමයි හඳුන්වන්නේ. මෙයත් 'රාජලෝහය' වාගේම වෙනත් රසායනික ද්‍රව්‍ය රැසක් යොදාගෙන නිර්මාණය කරනු ලබන්නක්.

සුන්දර විමානයේ වේගය ගැන කතා කරනවානම්, මෙයට ඉතා කෙටි කාල පරාසයක් තුල සැතපුම් 3600 ක් දුර යාමට හැකියාව තිබිලා තියෙනවා. මෙහි සුළං පංකා වල භ්‍රමණ වේගය 'ලින්ක 2500 ක්' කියලා තමයි සඳහන් වෙන්නේ. 'ලින්ක' කියන ඒකකයේ ප්‍රමාණය නම් මට හොයාගන්න බැරිවුනා.

7 comments:

  1. වෙනද වගේම ඉතින් මේකටත් කියන්න තියෙන්නෙ, පට්ට කියල තමා. මම කියන්නෙ මේ විමාන පට්ටම විසාලයිනෙ..

    ReplyDelete
  2. This comment has been removed by the author.

    ReplyDelete
  3. කවුද බං මේවා හැදුවේ??

    ReplyDelete
  4. මේවා හදලා තියෙන්නේ පුරාණ හෙළයෝ තමයි. මේ ඔක්කොම හෙළ නිර්මාණ.

    ReplyDelete
  5. වායු ඇන්ජින්,විදුලි උත්පාදක යන්ත්‍ර,විද්‍යුත් කෝෂ, මෑත කාලෙ හැදුව කියල හිතුවට, ඒ කාලෙත් තිබිලා තියෙනව.

    ReplyDelete
  6. univers has the great power of wisdom, It works with accurate system of law of universe,human world is a one place out of this whole system, there are astrol planes,(2 dimention)all the other religions including Buddhism has given enough example storeies on this tophic.I appriciate the inquary mind of you and the other members too.You are at a point of U turn,back to the history,Dawn of the Spiritual Science.Will talk,Aunt Kalyani

    ReplyDelete
  7. Uditha :මම නම් හිතන විදිහට මේවා හදලා තියෙන්නේනම් හෙලයෝ නෙමෙයි. මේවා ඔක්කොම අපිට ආවේ අපිට වඩා බුද්ධියක් තිබ්බ පිටසක්වලයන්ගෙන් ආපු ජීවීන්ගෙන්. ඔව්න්ගෙන් මේවා විතරක් නෙමේ තව ගොඩක් තාක්ෂනයන් අපිට ලැබුනා.

    ReplyDelete