Saturday, July 3, 2010

හෙළයේ සටන් හරඹ - 3

kundalini.jpg

මීට කලින් අංගම්පොර ගැන කොටපු සෙල්ලිපි සටහන් දෙකටම හොඳින් ප්‍රතිචාර හම්බ වෙලා තිබුණා. හැබැයි ඒ අතරේ නරක විදිහට බැනලා තිබුණ ප්‍රතිචාරත් තිබුණා. මොනවා වුනත් සෙල්ලිපියේ තියෙන හරවත් බවයි ගුණාත්මක බවයි රැකගන්න අවශ්‍ය නිසාම මම ඒ ප්‍රතිචාර අයින් කළා. ඒ කොහොම වුනත් බහුතරයක් දෙනා සෙල්ලිපියට ආදරය කරන බව පෙනෙන නිසාම හෙළයේ සටන් හරඹ ගැන තවත් සෙල්ලිපි සටහනක් කොටන්න ඕනෑ කියලා මං හිතුවා.


අංගම්පොර කලාවත් සමග බැඳී පවතින ප්‍රධානම අංගයක් තමයි අධ්‍යාත්මික වශයෙන් ඇති කරගන්නා දියුණුව සහ හික්මීම. පැරණි අංගම්පොර ශිල්පීන් බොහෝදෙනෙක් සාමාන්‍ය මිනිසුන්ට කිරීමට අපහසු දේවල් කිරීමට සමතුන්ව සිටි බව නොරහසක්. දෑතින් පමණක් පොල් ගෙඩි ලෙලි ගැසීම, හිටිවනම බඹ ගණනක් ඉහලට පැනීම, ඇතුන් සමග සටන් කිරීම, ඇසට නොපෙනෙන තරම් වේගයෙන් කඩු හරඹ කිරීම වැනි ශාරීරික ශක්තිය සම්බන්ධ හැකියාවන් මෙන්ම අනුන්ගේ සිත් කියවීම, සිතකින් සිතකට කතා කිරීම, චිත්ත බලයෙන් ද්‍රව්‍ය චලනය කිරීම වැනි මානසික ශක්තිය සම්බන්ධ හැකියාවන් ද එම ශිල්පීන් සතුව තිබිලා තියෙනවා. ඔවුන් මෙම ශක්තීන් වර්ධනය කරගැනීමට විවිධ භාවනා ක්‍රම උපයෝගී කරගෙන තියෙනවා.


මම හිතන හැටියට අංගම්පොර සමග සබැදුණු මේ භාවනාමය ක්‍රමයන් පිළිබඳව අපේ රටේ ජනතාව තුල කිසියම් අවධානයක් ඇති වුනේ ජයන්ත චන්ද්‍රසිරි මහතා ගේ 'අකාල සන්ධ්‍යා' ටෙලි නාට්‍යයත් සමග යි. ඒ නාට්‍යය ගෙතී තිබුණේ කුණ්ඩලිනි යෝගය වැඩූ අංගම් ශිල්පියෙකුගේ චරිතය වටා බව ඔයාලට මතක ඇති. මේ නාට්‍යයත් සමගම කුණ්ඩලිනි යෝගය පිළිබඳව යම් තරමක උනන්දුව ජනතාව තුල ඇති වුණු නිසා ඒ සමකාලීනවම කුණ්ඩලිනි යෝගය පිළිබඳව ලියැවුණු පොත් කිහිපයක් ම එළි දැක්වුණු බවත් මට මතකයි. කුණ්ඩලිනි කියලා කියන්නේ හින්දු දර්ශනය සමග බැඳී තියෙන යෝග ක්‍රමයක් නේ. ඉතින් අපේ පැරණි අංගම් ශිල්පීන් තමුන්ගේ චිත්ත ශක්තිය දියුණු කරගන්න යොදා ගත්තේ කුණ්ඩලිනි යෝග ක්‍රමයම ද කියලා ඔප්පු කරන්න පුළුවන් සාධකයක් නම් මට තාම හොයා ගන්න බැරි වුණා. දන්න කෙනෙක් ඉන්නවා නම් කියලා දෙන්න කියලත් මම ඉල්ලා සිටිනවා. කොහොම වුනත් මේ සෙල්ලිපි සටහනෙන් කුණ්ඩලිනි යෝගය ගැන ටිකක් කතා කරන්න තමයි මගේ අදහස.


යෝග ශාස්ත්‍රයේ පියා ලෙස හැඳින්වෙන්නේ මීට වසර දහස් ගණනකට පෙර විසූ පතංජලී නම් සෘෂිවරයා යි. යෝග දර්ශනය පිළිබඳව කරුණු එක් රැස් කල එතුමාණෝ 'යෝග සූත්‍ර' නමින් ග්‍රන්ථයක් සම්පාදනය කරලා තියෙනවා. එම ග්‍රන්ථයේ සඳහන් වෙන ආකාරයට යෝග ශාස්ත්‍රය කොටස් ගණනාවකට බෙදෙනවා. හත යෝග, ශක්ති යෝග, ඥාන යෝග, භක්ති යෝග, කුණ්ඩලිනි යෝග, ධ්‍යාන යෝග, කර්ම යෝග ආදී වශයෙන් හැඳින්වෙන්නේ මේ කොටස් වලින් කීපයක්. ඉතින් කුණ්ඩලිනි යෝග කියලා කියන්නේත් මේ යෝග දර්ශනයේ ම දැක්වෙන එක් ශාස්ත්‍ර කොටසකට තමයි. කුණ්ඩලිනි යෝගයේ මූලික පරමාර්ථය වන්නේ චිත්ත සහ ස්නායු බලය දියුණු කර ගැනීමයි.පතංජලී සෘෂිවරයා පවසන ආකාරයට කොඳු ඇට පෙළේ පහලම අස්ථිය තුල තමයි මේ අද්භූත කුණ්ඩලිනි ශක්තිය ගැබ් වෙලා තියෙන්නේ. මෙහිදී කුණ්ඩලිනි ශක්තියට අමතරව කොඳු ඇට පේළිය දිගට පිහිටා තිබෙන ශක්ති ස්ථාන හෙවත් චක්‍ර හයක් ගැනත් කියැවෙනවා. ඒ චක්‍ර හය හැඳින්වෙන්නේ මෙසේ යි.
  • මූලාධාර
  • ස්වාධිෂ්ඨාන
  • මනිපූර
  • අනාහත
  • විශුද්ධ
  • ආඥා
කුණ්ඩලිනි ශක්තිය දියුණු කරන විට එය කොඳු ඇට පෙළේ පහලම ස්ථානයේ සිට ක්‍රමයෙන් ඉහළට නගින්න පටන් ගන්නවා. එම ශක්තිය ඉහත සඳහන් චක්‍ර හරහා ගමන් කරන විට විවිධ වූ විශේෂ හැකියාවන් යෝගියාට ලැබෙන බවයි පැවසෙන්නේ. මෙවැනි හැකියාවන් හෙවත් සිද්ධි අටක් පිළිබඳව යෝග දර්ශනයේ සඳහන් වෙනවා.
  • අනිමා - ඉතා කුඩා බවට පත් වීම
  • මහිමා - අති විශාල බවට පත් වීම
  • ලඝිමා - පුළුන් රොදක් සේ සිරුර සැහැල්ලු කිරීම
  • ගරිමා - ශරීරය ඉතා බර කිරීම
  • ප්‍රාප්ති - ග්‍රහ වස්තූන් කරා ගමන් කිරීම
  • ප්‍රාකම්‍ය - සිතන පතන දේ ලැබීම
  • ඊසත්ව - යම් යම් දේ මවා පෙන්වීම
  • වශිත්ව - විශ්ව ශක්තිය පාලන කිරීම
මේ හැකියාවන්ට අමතරව ලෙඩ රෝග සුව කිරීම, දීර්ඝායුෂ ලැබීම ආදී තවත් හැකියාවන් රැසක් කුණ්ඩලිනි යෝගය හරහා ලබා ගන්න පුළුවන්.


කුණ්ඩලිනි යෝගය ගැන වැඩිදුර කතා කරන්න නම් මගේ බලාපොරොත්තුවක් නැහැ. එහෙම වුණොත් එහෙම 'හෙළයේ සටන් හරඹ' කියන මාතෘකාවෙන් පිට පනින්න සිද්ධ වෙනවා නේ. මට ඕනෑ වුණේ කුණ්ඩලිනි යෝගය ගැන පොඩි හැඳින්වීමක් කරන්න විතරයි. පුළුවන් වුණොත් පස්සේ වෙලාවක කුණ්ඩලිනි ගැන වෙනම සෙල්ලිපි සටහන් පෙළක් කොටන්නම්. එහෙනම් ඉතින් 'හෙළයේ සටන් හරඹ' ගැන කියැවෙන තවත් සෙල්ලිපි සටහනකින් ආයෙත් දවසක හම්බ වෙමු. මේක කියවලා යන ගමන් තමන් ගේ අදහසත් කාට කාටත් කියවන්න පුළුවන් විදිහට පහළින් කොටලම යනවනම් තමයි හොඳ. අඩුපාඩු, වැරදි එහෙම තියෙනවනම් ඒවත් පෙන්නලා දෙන්න.

11 comments:

  1. කුණ්ඩලනී ගැනත් ලියන එක හොදයි. ඒක ඇවිල්ල මාරම ඉන්ටරෙස්ටිං පැත්තක්නෙ. :)
    ප්‍රාකම්‍ය තියේ නම් එල. මගෙ කොම්පියුටරේ අප්ග්‍රේඩ් කරගන්න පුළුවන්. :D

    ReplyDelete
  2. මාත් ඔය ගැන ඇහුවෙ අකාල සන්ද්‍ය්යා බැලුවට පස්සෙ.... වටිනා ලිපියක්

    ReplyDelete
  3. අයියා කොහොමද මෙවා හොයාගත්තෙ? දිගටම ලියන්න.මාත් Kung-fu වලින් පිස්සු වැටිලා හිටියෙ. බලනකොට මෙකත් ලෙසි නෑ

    ReplyDelete
  4. අයියා Kung-fu ගැන මොකද කියන්නෙ?

    ReplyDelete
  5. @ Ishara

    Kung Fu කියන්නේත් වටිනා සටන් කලාවක්. පුළුවන් වුනොත් ඒ ගැනත් වෙනම සෙල්ලිපි සටහනකින් කතා කරමුකෝ. ඔයා Kung Fu හදාරලා තියෙනව ද..?

    ReplyDelete
  6. @ Madhawa

    අම්මට සිරි.. උඹ ප්‍රාකම්‍ය සිද්ධිය ලබා ගන්න හදන්නේ computer එක upgrade කරගන්න ද..? හපොයි.. හපොයි.. කුණ්ඩලිනි වලට ගිය කල. මොනව කරන්නද.. 'විනාස කාලේ විපරීත බුද්ධි' කිව්වලු.... :D :D lol

    ReplyDelete
  7. තාම නෑ.ඉදිරියෙදි බලමු. :D

    ReplyDelete
  8. ape daval agaya keramata math se satutui

    ReplyDelete
  9. This comment has been removed by the author.

    ReplyDelete
  10. Isanka

    mama therum gaththa widhata obathuma yam thak durakata kundalani shakthiya gana awabodayak potha pathen ho wenayam akarayakin labagena thiyenawa.habai etath wada mama hithanne obathumatama puluwan nam kundalani shakthiya awadi karagena,kundalani shkthiya gana awabodayak laba ganna.e awabodaya thamai niwaradima awabodaya wenne ehema neda ?obathuma danne nathiwa athi e sambandawa bawana purdu puhunu karana thanak lankawe thiyena bawa.Ambepussa Sarwa Agamika Sitha Purudu Puhunu Kirime Aranta awith Chakra awadi karagneemata Bawana praguna karaganna hakiyawa obathumata thiyenawa.

    Add :-
    Sarwa Agamika
    Sitha Purudu Puhunu Kirime Arana,
    Paththonduwa,
    Ambepussa.

    ReplyDelete
  11. Kundali shakthiya kiyanne hariyata widyuthaya wage shakthiyak..eya sakriya karanna ona kundaliniya awadi karagath guruwarek yatathe baw wedaye dakwenawa...akramawath abyasa obawa maranthika tathwayakata ada damanna puluwan....emanisa YouTube videos naraba abyasa karannata yama bhayanakaya....kundaliniya awadikara ganeematanam obata baurhika lokayen mudununu adyathmika uwamanawakin abyasa karanna wenawa..

    ReplyDelete